Healpro şirkəti  2018-ci ildə Bakıda yaradılan əczaçılıq şirkətidir. Şirkətimizin məhsul portfeli sağlamlıq məhsullarından, dərmanlardan, qida əlavələrindən, tibbi vasitələrdən və kosmetikadan barətdir. 

Yüksək ixtisaslı kadrlardan ibarət olan komandamız gündəlik inkişaf, araşdırma, satış və marketinq fəaliyyətlərinin prinsiplərinə ciddi qaydada riayət edir. Məqsədimiz Azərbaycanın əczaçılıq sahəsində ən qabaqcıl əczaçılıq şirkəti olmaq və mövcud olan əczaçılıq sahəsinə yeniliklər gətirməkdir. Bunun üçün, şirkət olaraq tərəfdaşlarımızı diqqətlə seçirik və dünyanın aparıcı şirkətləri ilə işləyirik.

Healpro şirkəti Bakıda və regionlarda keçirilən bir çox konfransların və tədbirlərin təşkil olunmasında iştirak edir. “Mütəmadi inkişaf” şüarını əsas tutaraq şirkətimiz bir çox həkim-mütəxəssislərin ölkədə və ölkədən kənar keçirilən elmi-tibbi konfranslarda iştirak etməsi üçün bütün şəraiti yaradır. Bundan başqa, satış və marketing fəaliyyəti ilə ciddi məşğul olan komandamız əldə olunan yeniliklərin və biliklərin həkimlərə, əczaçılara daim çatdırılması istiqamətində çalışır. Televiziya ilə sıx əməkdaşlığımızın olması isə məhsullarımız haqqında məlumatların kütləvi şəkildə əhaliyə çatdırılması üçün bir fürsətdir.

Portfelimizə daxil olan hər bir məhsula indiviudal yanaşma uğurumuzun əsas səbəbidir. 

Xidmətimizin ən önəmli ünsürü insanların məhsullarımızdan fayda əldə etməsi və bu fayda əsasında yaranan güvən ilə onların daimi məmnuniyyətini,etibarını qazanmaqdır. Məhz bu yolda şirkətimiz “Faydadan doğan güvən” şüarı altında irəli getməyi hədəfləməkdədir. Bunun üçün həm komandamız, həm partnyorlarımız, həm də müştərilərimiz ilə birlikdə davamlı inkişaf yollarının axtarışındayıq.

Healpro şirkətinin daim yenilənən və böyüyən məhsul portfeli ilə sadəcə Azərbaycan hüdudlarında deyil, gələcəkdə Azərbaycandan kənarda da əczaçılıq sektoruna daxil olmağı hədəfləyir.

Missiyamız- Bizim missiyamız innovativ formullar tapmaq,  həkimlərə,  xəstələrə təhlükəsiz və effektiv məhsullar təklif etməkdir.

Vizyonumuz- İnsan həyat keyfiyyətlərini  yaxşılaşdırmaq üçün ən etibarlı sağlamlıq məhsulları təchizatçısı olmaq niyyətindəyik.